Uned Gwelyau mewn Argyfwng (EBU)
Mae’r uned hon yn cynnwys 20 o stafelloedd gwely a 3 lolfa gyffredin. Mae pob defnyddiwr gwasanaeth yn cael stafell sengl iddo’i hun, ynghyd â 2 weithiwr allweddol yr un. Mae’r preswylwyr yn gadael yr uned am 9 y bore, ac yn dychwelyd am 5pm.
Y Ganolfan Ddydd
Mae’r Ganolfan Ddydd ar agor drwy’r dydd, 7 diwrnod yr wythnos. Llun – Gwener 9am – 9pm, Sadwrn a Sul 9am – 5pm. Mae gennym bolisi drws agored, a’r nod yw croesawu pawb. Rydym yn gweini cawl a bara am ddim, a phrydau am bris gostyngol. Hefyd, mae gweithwyr cymorth wrth law i gynnig cyngor i ddefnyddwyr gwasanaethau.
Ein 12 cartref
Mae gan C.A.S.H 12 cartref â chymorth a rennir gyda thenantiaid eraill ledled Caerdydd. Caiff pob tenant help llaw gweithiwr cymorth penodol. Y nod yw cynorthwyo’r tenantiaid a’u paratoi i fyw’n annibynnol.
Lloches nos dros y gaeaf
Rydyn ni’n ailagor ein canolfan ddydd am 10pm yn ystod misoedd oer y gaeaf – o fis Tachwedd tan fis Mawrth – er mwyn croesawu hyd at 12 o bobl a fyddai’n cysgu ar y stryd fel arall. Cyplau a phobl â chwn sy’n cael y flaenoriaeth.
Rhaglen Datblygu Defnyddwyr
Rydyn ni’n cyflogi Swyddog Datblygu Defnyddwyr. Ei brif orchwyl yw annog ein defnyddwyr gwasanaethau i fachu ar gyfleoedd hyfforddiant, addysg a gwaith.
